សាលា St Stephen’s គឺជាសាលាសហអប់រំដ៏រស់រវើក រួមបញ្ចូលជាមួយនឹងកេរ្តិ៍ឈ្មោះដ៏ល្អឥតខ្ចោះក្នុងការបង្រៀន និងអភិវឌ្ឍយុវជនដែលមានសមត្ថភាព
ជាមួយនឹងបរិវេណសាលាចំនួនពីរនៅជាយក្រុងភាគខាងជើងនៃទីក្រុង ភើត (Perth) សាលាផ្តល់ជូនសិស្សចាប់ពីថ្នាក់មត្តេយ្យរហូតដល់ថ្នាក់ទី 12  ហើយស្វាគមន៍យុវជនមកពីជុំវិញពិភពលោកមកកាន់សហគមន៍ចម្រុះរបស់យើង។ សិស្សានុសិស្សរបស់យើងត្រូវបានផ្តល់ជូននូវបរិយាកាសប្រកបដោយសុវត្ថិភាព និងការមើលថែទាំក្នុងការរៀនសូត្រ និងរីកចម្រើន។

សាលាអនុវត្តវិធីសាស្រ្តរួមចំពោះការអប់រំ ដោយផ្តោតលើសមិទ្ធផលសិក្សា និងសុខុមាលភាពសិស្ស។ ដោយភាពជាដៃគូជាមួយក្រុមគ្រួសារ យើងជួយសិស្សឱ្យស្វែងរកផ្លូវសិក្សាដែលត្រឹមត្រូវសម្រាប់ពួកគេ ចូលសាកលវិទ្យាល័យផ្ទាល់ ឬអប់រំវិជ្ជាជីវៈ  និងបណ្តុះបណ្តាលវិជ្ជាជីវៈ ដែលសាលា St Stephen’s ធានាថាសិស្សរបស់យើងសម្រេចបាននូវគោលដៅសិក្សារបស់ពួកគេ។