សាលា Scotch បង្កើតឡើងក្នុងឆ្នាំ 1851 ដែលបានទទួលបង្រៀនសិស្សប្រុសអស់រយៈពេលជាង 170ឆ្នាំ មកហើយ និងមានទីតាំងនៅចំកណ្តាលទីក្រុង មែលប៊ន​ (Melbourne) សាលាមានបរិវេណស្រស់ស្អាត ដែលលាតសន្ធឹងលើផ្ទៃដី 27ហិកតា និងនៅជាប់នឹងទន្លេ Yarra ។ សាលាមានផ្តល់ផ្ទះសម្រាប់គ្រួសាររបស់សិស្សប្រុស បុគ្គលិក ឪពុកម្តាយ និងអតីតសិស្សចាស់។

សាលា Scotch ទទួល និងសម្រេចបានសមិទ្ធផលជោគជ័យជាច្រើនទាំងវិស័យអប់រំ និងសង្គម។ យើងជឿជាក់ទៅលើការបង្កើតមូលដ្ឋានគ្រឹះដ៏ល្អ ដែលឆ្ពោះទៅរកការរីកចម្រើននាពេលអនាគត។ ប្រពៃណីដ៏រឹងមាំ បង្កើតបាននូវតម្លៃនៃសុចរិតភាព និងការយោគយល់ ខណៈដែលការអប់រំស្រាវជ្រាវជុំរុញនូវកម្មវិធីសិក្សាប្រកបដោយភាពច្នៃប្រឌិត ដែលលើកកម្ពស់ការចង់ដឹងចង់ឃើញ និងតម្លៃខ្លួនឯង។ យើងមានសំណាងជាមួយនឹងមូលដ្ឋានទូលំទូលាយរបស់យើង ជាពិសេសគ្រឿងបរិក្ខា និងបុគ្គលិកដែលមានការប្តេជ្ញាចិត្តក្នុងការកសាងទំនាក់ទំនងនៃការជឿទុកចិត្ត និងភាពស្និទ្ធស្នាល ដែលបង្កើតបានជាកន្លែងសម្រាប់សិស្សប្រុសដើម្បីសាកសួរ ផ្តួចផ្តើម និងដឹកនាំ។

យើងផ្តល់តម្លៃពេលវេលារបស់សិស្សប្រុសនិមួយៗជាមួយយើង។ វាគឺជាការធ្វើដំណើរ ដែល ផ្អែកលើគោលការណ៍គ្រីស្ទាន ដែលពោរពេញទៅដោយថាមពល និងភាពសម្បូរបែប ចំណាប់អារម្មណ៍ និងទេពកោសល្យ ហើយមួយវិញទៀតដែលយើងជឿជាក់ទៅលើការបង្ហាត់បង្រៀនក្មេងប្រុសឱ្យមានភាពស្វាហាប់ មុននឹងប្រលូកចូល ទៅក្នុងពិភពលោកដ៏លំបាក និងគួរឱ្យរំភើប។